relk - elizakoak Josu Muguruzari, zeina Euskadiren Askatasunagatik Espainiak eraila izan baitzen Gorputza mendietan barreiatuz laino argitsu baten antzera haran sakonetatik behera dator nire Herria Askatasunera. Belarrak bereizitako berdeekin itsas urdin samurrean barrena izutik itzulitako ontziekin dator Herria Askatasunera. Jausiko dira gizonak borrokan galburu ebakien moduan. Jausiko dira ahuldaderik gabe heldutako mahats-aleen gisan. Gorputzei zerien odoletik egingo dugu ardo gaztea bizi beteaz ostu haragitik piztu behar gaituen ogi gorena. Martiri-usain hartaz horditurik, haren hats hilezkorraz aseta, izukaitz egingo dugu aurrera, bihotz bakarra lagun, Askatasunera! |
|